ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Фән һәм мәгариф

Теләче районында быел беренче сыйныфка 155 бала укырга керәчәк

8 август 2018, 23:00 , Фото: tulachi.ru/

Теләче районында быел беренче сыйныфка 155 бала укырга керәчәк Аларның һәркайсына мәктәп кирәк-яраклары тутырылган букчалар тапшырылды.

(Теләче, 8 август, “Татар-информ”, "Теләче", Алинә Шәмәрданова). Бүген Теләчегә эшлекле сәфәр белән Татарстан Республикасы транспорт һәм юл хуҗалыгы министры Ленар Сафин килде. Ул, елдагы традициягә тугры калып, район мәдәният йортында “Мәктәпкә җыенырга ярдәм ит!” акциясе кысаларында беренче сыйныф укучылары, аларның әти-әниләре, сыйныф җитәкчелеләре өчен үткәрелгән мәктәп-кирәк яраклары тутырылган букчалар тапшыру тантанасында катнашты, дип яза җирле басма.

Яңа уку елында Теләче районында барлыгы 155 бала беренче сыйныфка укырга керәчәк. Бу көнне аларның һәркайсы букчалы булды. Министр Ленар Сафин һәм район башлыгы Илдус Зарипов беренче тапкыр мәктәп бусагасын атлап керәчәк балаларга изге теләкләрен җиткереп, яхшы билгеләргә генә укуларын теләде. Сабыйларның иңнәренә букчалар киерткәндә, беренче сыйныфка баручыларның күзләрендә шатлык нурлары уйный иде. Алай гына да түгел, әти-әниләрнең йөзләрендә дә сөенеч хисләре күренде. Әлеге тантанадан һәркайсы зур канәгатьләнү хисе белән таралды, диелгән район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10