ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов Алексеевск районы игенчеләре белән очрашты

8 август 2018, 18:44 , Фото: president.tatarstan.ru

Рөстәм Миңнеханов Алексеевск районы игенчеләре белән очрашты 8 августка Алексеевск районында 60,3 мең тонна уңыш алынган.

(Казан, 8 август, «Татар-информ»). Бүген Татарстан Республикасы Президенты Рөстәм Миңнеханов урып-җыю кампаниясе барышы белән танышу максатыннан Алексеевск муниципаль районында булды. Сәфәрдә Рөстәм Миңнехановны Татарстан вице-премьеры – авыл хуҗалыгы һәм азык-төлек министры Марат Әхмәтов һәм Татарстан Алексеевск районы башкарма комитеты җитәкчесе Сергей Демидов озатып йөрде. Бу хакта Татарстан Президенты матбугат хезмәте хәбәр итә.

Бүгенге көндә 230 гектар көзге арыш суктырылган, гектарыннан 26,6 центнер уңыш чыккан. Игенчеләр 612 тонна ашлык җыеп алганнар. Көзге бодай 16,4 мең гектардан алынган, 51,3 мең тона икмәк суктырылган. Уртача уңыш гектарыннан 31,4 центнер тәшкил итә, дип сөйләде район башлыгы.

Рабочая поездка Президента Республики Татарстан
Р.Н. Минниханова 
в Алексеевский муниципальный район 
с целью ознакомления с ходом уборочных работ

8 августка булган мәгълүматлар буенча, Алексеевск районында авыл хуҗалыгы мәйданының 40 процентыннан уңыш җыеп алынган. 60,3 мең тонна уңыш алынган. Кырларда 90 комбайн эшли.

Марат Әхмәтов Әлки, Спас, Алексеевск районнарының дым җитмәүдән җитди зыян күрүләрен әйтте. Өч айда барлыгы 50 мм яңгыр яуган. Игенчеләрнең агротехник нормаларны үтәүләре нәтиҗәсендә көзге культуралардан яхшы уңыш алынган, диде министр.

Районда яшәүчеләр Рөстәм Миңнехановка су белән тәэмин итү системасын модернизацияләү һәм реконструкция мәсьәләләрен хәл итүдә ярдәм итүне сорап мөрәҗәгать иттеләр.

Рабочая поездка Президента Республики Татарстан
Р.Н. Минниханова 
в Алексеевский муниципальный район 
с целью ознакомления с ходом уборочных работ

“Әлбәттә, без “Чиста су” республика программасын дәвам итәчәкбез. Без ел саен бу максатларга 600-700 млн сум юнәлдерәбез. Бу мәсьәләне федераль дәрәҗәдә күтәрәчәкбез”, - диде республика Президенты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10