ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Хәвеф-хәтәр

Зөя утрау-шәһәрчеге янында аек булмаган ир-ат батып үлгән

7 август 2018, 21:48 , Фото: ГУ МЧС России по РТ

Зөя утрау-шәһәрчеге янында аек булмаган ир-ат батып үлгән Ир-атның мәетен Щука елгасында утраудан җитмеш метр ераклыкта табып алганнар.

(Казан, 7 август, “Татар-информ”). Зөя утрау-шәһәрчеге янында исерек ир-ат баткан. Бу хакта “Татар-информ”агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Бердәм 112 бердәм номерына кичә көндез Зөя һәм Щука елгалары кушылган җирдә ир-ат батуы турында хәбәр алынган. Яшел Үзән районының 57 яшьлек аек булмаган кешесе ярдан җиде метрлап йөзеп кергәч, су төбенә киткән. Урынга 2нче янгын сүндерү-коткару зона водолазлары килгән. Алар ир-атның мәетен Щука елгасында утраудан җитмеш метр ераклыкта табып алганнар.

Ул урында коенырга ярамау турында аншлаг урнаштырылган булган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10