ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Авыл

Корылык сәбәпле, Татарстанның 17 районында гадәттән тыш хәл режимы кертелгән

7 август 2018, 09:37 , Фото: pixabay.com/сreative сommons СС0

Корылык сәбәпле, Татарстанның 17 районында гадәттән тыш хәл режимы кертелгән Гадәттән тыш хәл режимы 3 августтан алып махсус карар кабул ителгәнчегә кадәр гамәлдә булачак.

(Казан, 7 август, «Татар-информ»). Татарстан Президенты Рөстәм Миңнеханов боерыгы белән республиканың 17 районында гадәттән тыш хәл режимы кертелде. Гадәттән тыш хәл режимы 3 августтан алып махсус карар кабул ителгәнчегә кадәр гамәлдә булачак, диелә документта.

Боерыктан күренгәнчә, республиканың Азнакай, Актаныш, Әлки, Әлмәт, Апас, Баулы, Бөгелмә, Зәй, Яшел Үзән, Кайбыч, Лениногорск, Мөслим, Яңа Чишмә, Нурлат, Сарман, Чирмешән һәм Ютазы районнарында корылык хөкем сөрә.

Муниципалитетлар, шулай ук Татарстан Авыл хуҗалыгы һәм азык-төлек министрлыгы җитәкчелегенә биш көн эчендә гадәттән тыш хәлнең аяныч нәтиҗәләрен бетерү буенча тиешле чаралар әзерләргә йөкләмә бирелгән. Борыкның үтәлешенә ТР Авыл хуҗалыгы һәм азык-төлек министрлыгы җаваплы.

Моңа кадәр традицион республика киңәшмәсендә авыл хуҗалыгы һәм азык-төлек министры Марат Әхмәтов республиканың 17 районында теркәлгән туфрак һәм атмосферадагы корылык хакында искәрткән иде. Аның сүзләренчә, җәен республиканың кайбер районнарында уртача явым-төшем күләме 163 миллиметр урынына 40 миллиметр гына тәшкил иткән. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10