ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Җәмгыять

Татарстанда ОРВИ белән авыручылар саны арткан

6 август 2018, 15:41

30 июльдән 5 августка кадәр республикада ОРВИның 6491 очрагы теркәлгән.

(Казан, 6 август, “Татар-информ”). Татарстанда узган атнада ОРВИ белән авыручылар саны арткан. Республикада 30 июльдән 5 августка кадәр ОРВИның 6491 очрагы теркәлгән. Бу хакта Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе матбугат хезмәте хәбәр итә.

Алдагы атна белән чагыштырганда, авыручылар саны 22 процентка арткан. 16 июльдән 22 июльгә кадәр авырулар саны 5294 булган.

Бер атна элек, 9 июльдән 15 июльгә кадәр, республикада ОРВИ белән авыруның 4799 очрагы теркәлгән булган. Авыручыларның артып китүе сезонлы характерда дип аңлатыла. Хәзерге вакытта авыручылар дәрәҗәсе эпидемия баскычыннан 5,6 процентка түбән, дип аңлаттылар Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсендә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10