ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Спорт

Иске Зәйдә заманча спорт мәйданчыгы ачылды

3 август 2018, 09:00 , Фото: zainsk-rt.ru

Иске Зәйдә заманча спорт мәйданчыгы ачылды Яңа спорт объекты 2 мең квадрат метр мәйдан били.

(Зәй, 3 август, "Татар-информ",  "Зәй офыклары", Рәзимә Кашапова). Иске Зәй бистәсенең 1нче мәктәп биләмәсендә универсаль спорт мәйданчыгы ачылды. Биредә баскетбол һәм мини футбол буенча спорт мәйданчыклары бар иде инде. Ә менә сафка баскан универсаль спорт мәйданчыгы зуррак. Кыскасы, яңа спорт объекты 2 мең квадрат метр мәйдан били. Бу хакта район газетасы хәбәр итә.

Мәктәп директоры Марат Мөхәммәтханов әйтүенчә, спорт мәйданчыгының мөмкинлекләре шактый: җәен биредә баскетбол, волейбол, мини-футбол уйнарга, кышын исә хоккей уйнау мөмкинлеге булачак. Республикада барлыгы шундый 11 спорт мәйданчыгы төзелә, аның беренчесе Зәйдә ачылды. Мәйданчык президент программасы буенча булдырылды, җирле бюджет хисабына аның биләмәсе төзекләндерелде. Яңа спорт мәйданчыгын ачуда район башлыгы Разиф Кәримов катнашып, искезәйлеләрнең яңа спорт мәйданчыклы булу шатлыгын уртаклашты.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10