ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Җәмгыять

Татарстанда алимент буенча бурычлары булган 2,5 меңгә якын хатын-кыз исәпләнә

31 июль 2018, 11:41

Алимент түләүдән качып йөргән ваемсыз аналарның 36 процентының гына рәсми кереме бар дип санала.

(Казан, 31 июль, “Татар-информ”, Гөлнар Гарифуллина). Татарстанда алиментлары буенча бурычлары булган хатын-кызларга карата 2487 башкарма производство исәптә. Бу хакта Татарстан Республикасы Министрлар Кабинетында узган брифингта Россия Суд приставлары федераль хезмәтенең Татарстан буенча идарәсе җитәкчесе вазифаларын башкаручы Игорь Безуевский хәбәр итте.

Алимент түләүдән качып йөргән ваемсыз аналарның 36 процентының гына рәсми кереме бар дип санала. Кагыйдә буларак, алимент түләмәүчеләр – тәртипсез тормыш рәвеше алып баручылар һәм ана хокукыннан мәхрүм ителгәннәр. Балалары каршында әҗәтле хатын-кызлар, нигездә, 30-42 яшьтә.

Игорь Безуевский 30-42 яшьлек 11 мең бурычлы ир-ат исәпләнүен әйтте. Алимент түләттерү буенча башкарма эшләрнең күпчелеге шул категориягә карата. 42-54 яшьтәге бурычлыларга карата 3936 эш кузгатылган. 18-30 яшьтәге яшь әтиләргә карата 2414 эш ачылган. 54-66 яшьтәге ир-атларга карата 376 производство теркәлгән. 66 яшьтән узган бурычлы гражданнар нибары 13 кеше генә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10