ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

TAT CULT FEST милли программа тәкъдим итәчәк

27 июль 2018, 14:07

Казан Кирмәнендә 30 августта TAT CULT FEST узачак.

(Казан, 27 июль, “Татар-информ”). 30 август көнне Казан Кирмәнендә TAT CULT FEST узачак. TAT CULT FEST кунакларга музыка, кино һәм заманча сәнгать дөньясыннан үзенчәлекле милли программа тәкъдим итәчәк. Бу хакта оештыручылар хәбәр итә.

Әлеге фестивальгә дөньяның 20 шәһәреннән килгән татар сәхнәсенең 30 иң көчле төркеменнән чыгышлар булачак. Алар рок, фьюжн һәм электрон стилендә.

Яшь татар рәссамнарының инсталяцияләре, интерактив арт-объектлары һәм махсус проектлары Казан Кирмәнен заманча сәнгать территориясенә әверелдерәчәк. Фестивальнең арт-программасы берничә тематик зонадан — театраль сәхнә, әдәби һәм локаль режиссерларының киноларын күрсәтү мәйданчыкларыннан торачак.

TAT CULT FEST — ул бөтен гаилә өчен шәһәр фестивале: монда балалар һәм олыларга күңел ачу программалары, дизайн-маркет, ял итү зонасы, традицион татар аш-суы белән аның гастрономик вариацияләре каралган.

Оештыручылар: Yummy Music, Бөтендөнья татар яшьләре форумы һәм Казан шәһәр берләшмәләре.

Фестивальгә керү ирекле.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10