ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Җәмгыять

Казанның алты урамын төзекләндерәчәкләр

26 июль 2018, 11:09

Ремонт эшләре «Куркынычсыз һәм сыйфатлы юллар» федераль проекты кысаларында башкарылачак.

(Казан, 26 июль, «Татар-информ»). Казанда «Куркынычсыз һәм сыйфатлы юллар» өстенлекле федераль проекты кысаларында алты урамны төзекләндерәчәкләр. Бу хакта Татарстан Транспорт һәм юл хуҗалыгы министрлыгы матбугат хезмәте хәбәр итә.

Шуртыгин, Искра һәм Глушко урамнарында югары сыйфатлы асфальт җәячәкләр, тротуарларны ремонтлаячаклар. Шулай ук борт ташлары, тимер коймалар һәм алты юл билгесен алыштыру, юлга яңа сызыклар сызу күздә тотыла.

Моннан тыш, Вяземская, Рылеев һәм Алексеев урамнарына вак бөртекле асфальт җәяргә ниятлиләр.

Ремонт эшләрен «Каздорстрой» ААҖ башкарачак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10