ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Хәвеф-хәтәр

Татарстанның Әгерҗе районында 400 түк печән янган

24 июль 2018, 10:43 , Фото: ГУ МЧС по РТ

Татарстанның Әгерҗе районында 400 түк печән янган Янгын барлыгы 200 мең сумлык зыян китергән.

(Казан, 24 июль, «Татар-информ»). Татарстанның Әгерҗе районында 400 түк печән янган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

112 бердәм номерына Салагыш авылы янындагы кырда печән януы турындагы хәбәр кичә 16.18 сәгатьтә килгән.

101нче янгын-коткару часте хезмәткәрләре урынга килгәндә, 200 квадрат метр мәйданда 400 рулон печәнне ялкын телләре ялмап алган булган. Крестьян-фермер хуҗалыгында эшләүчеләр махсус техника ярдәмендә печәннең күпмедер өлешен ут капкан түкләрдән читкәрәк алып китәргә өлгергән.

Ут белән көрәшүчеләр янгынны бер сәгатькә якын сүндергән. Янгын 160 тонна авырлыгындагы 400 түк печәнне юкка чыгарган. Зыянның күләме 200 мең сум тәшкил иткән.

Башлангыч фаразларга караганда, янгын ут белән саксыз эш итү нәтиҗәсендә чыккан. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10