ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Спорт

Яшел Үзәннән Наил Таразов ГТОның алтын билгесенә лаек булды

22 июль 2018, 23:00 , Фото: yashel-uzan.ru

Яшел Үзәннән Наил Таразов ГТОның алтын билгесенә лаек булды Районда Бөтенроссия ГТО физкультура һәм спорт комплексында катнашучыларны бүләкләделәр.
(Казан, 22 июль, "Татар-информ", "Яшел Үзән"). Яшел Үзән районында Бөтенроссия ГТО физкультура һәм спорт комплексында катнашучыларны бүләкләделәр. Яшел үзәндә алтын билгегә барлыгы ун кеше лаек булды. Бу хакта район басмасы хәбәр итә. 
 
Аерым билгеләп үтәрлек шәхесләр дә бар. Шундыйлардан комплексның Х баскычы нормаларын үтәгән Наил Таразов.  "64 яшьлек  Наил Сәгыйть улы башка яшел үзәнлеләргә дә үрнәк", – дип билгеләп үттеләр   ЯҮМР яшьләр эшләре буенча идарәдә.
 
Наил Сәгыйтович редакция хезмәткәрләренә дә яхшы таныш, ул – озак еллар редакциядә эшләгән  танылган журналист Әлифел Таразованың хәләл җефете.  Наил Сәгыйтович  офицер, гомере буе  сәламәт яшәү образы алып барды,  яхшы гаилә башлыгы, үрнәк әти.  Шулай да  аның  бу казанышы безне гаҗәпләндермәде дисәк, бик үк дөрес тә булмас. ГТО нормаларын шушы яшьтә бик сирәкләр генә үти ала һәм без Наил Сәгыйтович өчен бик шат. 
 

Исегезгә төшерәбез, ГТО комплексында катнашучы  өчен комплексның рәсми Интернет-порталында  теркәлергә һәм УИН-номер алырга кирәк. Норматив тапшыру буенча барлык сорауларны (84371) 4-67-93 телефоны аша бирергә була. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10