ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Хәвеф-хәтәр

Казанда базарда атыш оештырган ир-атны хөкем иттеләр

18 июль 2018, 12:51

Журналистлар урамында 38 яшьлек Казан кешесе ТТдан ике ир-атны яралаган.

(Казан, 18 июль, “Татар-информ”). Казанда базарда атыш оештырган ир-атны хөкем иткәннәр. Бу хакта “Татар-информ” агентлыгына Татарстан прокуроры өлкән ярдәмчесе Руслан Галиев хәбәр итте.

Узган ел ахырында Журналистлар урамындагы сәүдә павильоннарында өч ир-ат бурыч аркасында бәхәсләшеп киткән. Шул вакытта аларның берсе 1933 ел үрнәгендәге ТТдан дүрт тапкыр аткан. Зыян күрүчеләрне хастаханәгә озатканнар. Табиблар аларның гомерен саклап кала алган.

“Куркыныч алым белән үтерүгә омтылыш” һәм “Сугыш кирәк-ярагын законсыз рәвештә булдыру, саклау һәм йөртү” маддәләре буенча суд 38 яшьлек гаепле Казан кешесен каты режимдагы колониягә 11 елга хөкем иткән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10