ҺАВА ТОРЫШЫ -7 oC

Яңалыклар

барлык хәбәрләр Татарстан Россия

Хәвеф-хәтәр

Әлмәт районындагы мәдәният йорты директорына хөкем чыгарылды

16 июль 2018, 08:00

Мәдәният йорты директоры “үле җан” өчен хезмәт хакы алып барган.

(Әлмәт, 16 июль, "Татар-информ", "Әлмәт таңнары"). Әлмәт районы авылларының берсендә фиктив рәвештә танышын эшкә урнаштырып, аның өчен хезмәт хакы алып барган мәдәният йорты директорын хөкем иттеләр, дип хәбәр итә Татарстан Республикасы прокурорының баш ярдәмчесе. Бу хакта район газетасы яза.

Эш материалларыннан күренгәнчә, директор 2016 нчы елның июль аеннан 2018 нче елның апрель аена кадәр законсыз акча алып барган. Мәдәният йортына китерелгән зыян 170 мең сум тәшкил итә.

Директор үз гаебен тулысынча таныган. Хезмәт вазифасын шәхси мәнфәгатьләрдә кулланган өчен аңа 2 еллык сынау срогы белән шартлы рәвештә 1 ел да 6 айга ирегеннән мәхрүм итү җазасы бирелде. Моннан тыш, директорга китергән зыянны да кире кайтарырга туры киләчәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10