ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Икътисад

Татарстанда 2018 ел ахырына кадәр 42 мәдәни объект төзекләндереләчәк

13 июль 2018, 14:50 , Фото: Михаил Захаров/архив

Татарстанда 2018 ел ахырына кадәр 42 мәдәни объект төзекләндереләчәк Бүгенге көндә 13 объектта капиталь ремонт эшләре төгәлләнгән.

(Казан, 13 июль, «Татар-информ»). Татарстанда агымдагы ел ахырына 42 мәдәни объектка капиталь ремонт ясау күздә тотыла. Төзекләндерү эшләре 343 миллион сумга төшәчәк. ТР төзелеш, архитектура һәм ТКХ министрының беренче урынбасары Алексей Фролов ТР Хөкүмәте йортында узган республика киңәшмәсендә шул хакта хәбәр итте. Киңәшмәне ТР Президенты Рөстәм Миңнеханов үткәрде. Бу хакта республика башлыгының матбугат хезмәте хәбәр итә.

Бүгенге көндә 29 объектта эш бара, 13 объектта ремонт эшләре төгәлләнгән инде.

Республикада шулай ук күпфатирлы торак йортларны капиталь ремонтлау программасы гамәлгә ашырыла, дип искәртте Фролов. Программада Татарстанның 43 муниципаль районы катнаша. Тулаем алганда, бу гомуми мәйданы 5,3 миллион квадрат метр тәшкил иткән 995 күпфатирлы йорт дигән сүз. Шул рәвешле, 224 меңнән артык татарстанлының яшәү шартлары яхшырачак.

Моннан тыш, ел ахырына кадәр 28 мәктәпне төзекләндерү күздә тотыла. Моңа 682 миллион сум акча сарыф ителәчәк. Әлеге исемлеккә 16 муниципаль гомумбелем бирү оешмасы һәм 12 коррекция мәктәбе кергән.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10