ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
В.Шәйхразиев “Сәләт”кә читтән килгән балалар белән татарча сөйләшү мөһим булуын әйтте
Татарстан башкаласында алдагы ял көннәрендә өч зур фестиваль узачак
Рөстәм Миңнеханов «Татнефтехиминвест-холдинг» Директорлар советы утырышын үткәрә
Татарстан Президенты ВТБ банкы президенты-идарә рәисе урынбасары белән очраша
"Хозур ТВ" мөселман каналын Башкортстанда бүгенгә 17 мең кулланучы карый

Икътисад

Россиялеләрнең торак-коммуналь хезмәтләр буенча 1,4 трлн бурычы бар

12 июль 2018, 19:08

Гражданнарның суд билгеләгән уртача бурычы 46 мең сум.

(Казан, 12 июль, “Татар-информ”). Россия халкы 2018 елның гыйнвар — март айлары өчен торак-коммуналь хезмәтләр буенча 1,4 трлн бурычлы. Бу узган елның шушы чоры белән чагыштырганда 5,3 процентка артыграк. Бу хакта Дәүләт федераль статистика хезмәте мәгълүматларына сылтама белән “Известия” яза.

2018 елның беренче кварталында торак-коммуналь хезмәтләр буенча россиялеләрнең һәм юридик затларның бурычы 2017 елның беренче өч ае белән чагыштырганда 72 млрдка арткан.

Су белән тәэмин ителеш алты процентка үсеп, 86 млрдка җиткән. Электр буенча ун процентка үсеп, 247,5 млрд, торак хезмәтләр өчен 15 процентка үсеп, 234,3 млрд, җылылык өчен җиде процентка артып 569,3 млрд сумга җиткән. Бары газ белән тәэмин ителешкә генә бурычлар тугыз процент чамасы кимеп, 195,2 млрдка калган.

Экспертлар бурычлылар арасында аз тәэмин ителүче кешеләр кебек үк яңа төзелештә торак хуҗалары булган байлар да бар дип белдерә. Гражданнарның суд билгеләгән уртача бурычы 46 мең сум.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10