ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Спорт

Әтнәдә яңа бассейнга су тутырып карадылар

12 июль 2018, 22:00 , Фото: atnya-rt.ru

Әтнәдә яңа бассейнга су тутырып карадылар Июль аенда бассейн төзелеше төгәлләнер, дип фараз итәләр.

(Казан, 12 июнь, “Татар- информ, “Әтнә таңы”, Сүрия Мингатина). Әтнә районында июль аенда бассейн төзелеше төгәлләнергә тиеш, дип яза җирле басма.

Бассейнның әзерлеген төзелештә эшләүче белгечләр 95 процент, дип бәяли. "Күп эшләнде, төгәлләнү алды процессы бара. Плиткаларны ябыштырып бетергән идек, азрак үзгәреш керү сәбәпле, кире плиткаларны сүтеп, яңадан эшләп бетереп киләбез. Төзелеш эше күпчелек җирдә бетте, бүгенге көндә бассейн эчендә җыештыру эшләре бара. Әтнәдән килеп эшләүче хатын-кызлар да бар. Юып-чистартып, булган бүлмәләрне бикләп барабыз", - дип ачыклык кертәләр биредә эшләүче белгечләр.

“Дулкын” дип исемләнгән бассейнда ике су коену урыны бар - берсе зур, олыларныкы. Икенчесе кечерәк, балаларныкы. Кечкенә бассейнга су тутырып караганнар инде. Бу билгеле чиста су түгел, бары аккан-тамган җирләрне, суны тотамы-тотмыймы икәнлеген тикшерү, рельефын карау өчен эшләнгән. "Нәтиҗәсе әйбәт, балалар бассейны суны тота", - диделәр. Зурысына бу атнада тутырып карыйсылар суны. Әгәр зурлар өчен булган бассейн да суны яхшы тотса, суны фильтрлар белән чистарту эше башланачак",- дип аңлаталар биредә эшләүчеләр.

- Утлар, сигнализацияләр, янгын куркынычсызлыгын тәэмин итүче сигнализацияләр да куелды. Видеокүзәтүдә бар инде. Ишегалдындагы җирләрне дә тигезләп бетереп киләләр. Июль аенда биредә эш төгәлләнер, дипуйлыйбыз, - ди спорт мәктәбе директоры Ирек Мөхәммәтшин.

Бассейнның тышы да, эче дә зәвык белән эшләнгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10