ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Бардадагы милләттәшләр үз тамырларына багышланган лекциягә чакырыла
Болгарда борынгы биналарны әйләндереп алырга тәкъдим ителде
Әстерханда этномәдәни лагерьга йөрүче балаларны татар мәдәнияте белән таныштырганнар
16 июльнең төп вакыйгалары - фото һәм сылтамалар
Роспотребнадзор Дәрвишләр бистәсендәге Комсомольское күлендә коенмаска киңәш итә

Икътисад

Майда Татарстандагы инфляция 2,2 процент булган

11 июль 2018, 12:34 , Фото: архив/Султан Исхаков

Майда Татарстандагы инфляция 2,2 процент булган Бу сан гомумроссия күрсәткеченнән 2,4 процентка түбәнрәк.

(Казан, 11 июль, “Татар-информ”). Татарстанда куллану базарында май аенда инфляция 2,2 процентны тәшкил иткән. Бу сан гомумроссия күрсәткеченнән 2,4 процентка түбәнрәк. Әлеге саннарны Россия Үзәк банкының Татарстан буенча Милли банкы матбугат хезмәте хәбәр итә.

Республикада азык-төлек товарларына бәяләр динамикасы инфляцияне түбән дәрәҗәдә тотып торучы төп фактор була. 2018 елның маенда азык-төлек еллык инфляциясе бер процентны тәшкил итте, ә узган ел май аенда ул 2,2 процентка җиткән иде.

Инфляция сөт продуктларына бәя үсешен акырынайтуга шактый тәэсир иткән. Шулай итеп, быел май аенда ул 2,7 процентка, ә бер ел элек 9 проценттан да күбрәк арткан булган. Татарстан өчен товарларның бу төркеме әһәмиятле. Чөнки республика Россия төбәкләрендә сөт җитештерү буенча лидерларның берсе булып тора.

Татарстанда азык-төлек булмаган товарларга инфляция апрельдәге 2,4 проценттан майда 3,2 процентка кадәр үскән. Бу ягулыкка бәяләр белән бәйле. Шул ук вакытта республикада бензин бәясе Россиядә ягулыкка уртача бәя арту белән чагыштырганда азрак үскән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10