ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Хәвеф-хәтәр

Сөйкидә «Булгария» һәлакәте корбаннарына багышланган митинг була

10 июль 2018, 09:47 , Фото: mchs.tatarstan.ru

Сөйкидә «Булгария» һәлакәте корбаннарына багышланган митинг була Әлеге фаҗигадә 122 кеше һәлак булды, шуларның 28е – балалар.

(Казан, 10 июль, «Татар-информ»). Кама Тамагы районының Сөйки авылында «Булгария» теплоходы һәлакәте корбаннарына багышланган митинг була.

Искә алу чарасы бүген Кама Тамагы районының Сөйки авылында, «Булгария» фаҗигасендә һәлак булганнар истәлегенә куелган мемориал янында узачак. Чара 10.30 сәгатьтә башлана.

  • 2011 елның 10 июлендә Кама сусаклагычында Сөйки авылы янында көндезге беренче яртылар тирәсендә «Булгария» теплоходы давылга очрады. Берничә минут эчендә су тулып, «Булгария» төпкә китте. Бу вакытта теплоходта 201 кеше булган.

«Арбат» һәм «Дунайский 66» суднолары «Булгария» теплоходы пассажирлары һәм экипаж әгъзалары утырган шлюпкалар яныннан узып киткән. Һәлакәткә юлыккан кешеләргә «Арабелла» лайнеры ярдәмгә килгән.  Исән калган пассажирларга беренче ярдәмне «Арабелла»да күрсәтәләр. Аларны ризык, кайнар чәй, кием-салым белән тәэмин итәләр.

  • Әлеге фаҗигадә 122 кеше һәлак булды, шуларның 28е – балалар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10