ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Мәскәү бүген Сабан туен бәйрәм итә
Минтимер Шәймиев Болгарда чәй музеенда самавыр кайнату турында сөйләде
Армия генералы Мәхмүт Гәрәевның вафаты турындагы мәгълүмат кире кагылды
Изге Болгар җыенында катнашучы меңләгән кеше берьюлы өйлә намазы укыды
Синоптиклар Татарстанда җил көчәячәк дип кисәтә

Спорт

Татарстан яшүсмерләр мәктәбендә футбол белән 634 кыз бала шөгыльләнә – Александр Гусев

9 июль 2018, 16:31 , Фото: Салават Камалетдинов

Татарстан яшүсмерләр мәктәбендә футбол белән 634 кыз бала шөгыльләнә – Александр Гусев Татарстанда рәсмиләштерелгән 46 футбол стадионы бар, диде ТР футбол федерациясе рәисе.

(Казан, 9 июль, “Татар-информ”, Динә Йосыпова). Татарстан Республикасында рәсмиләштерелгән 46 футбол стадионы бар. Футбол бүлеге булган 49 балалар-яшүсмерләр мәктәбендә 8940 бала шөгыльләнә, шуларның 634е - кызлар. Бүген бу хакта IT-паркта – Чемпионатның шәһәр матбугат үзәгендә Татарстан Республикасы футбол федерациясе рәисе Александр Гусев әйтте.

ТР футбол федерациясе рәисе 634 кыз бала балалар-яшүсмерләр мәктәбендә футбол белән шөгыльләнүен әйтте. “Футбол бүлеге булган 49 балалар-яшүсмерләр мәктәбендә 8940 бала шөгыльләнә, шуларның 634е кызлар. Республикада елдан-ел футбол белән шөгыльләнүче кызлар саны арта”, - диде ул.

Александр Гусев Татарстан Республикасында универсаль спорт мәйданчыклары булдыру программасы гамәлгә ашырылуын әйтте. “Бүгенге көндә Республикада 800дән артык универсаль спорт мәйданчыгы бар. Һәм 300гә якын 20х40 үлчәмле мәйданчык - ясалма катламлы. Республикада инфраструктура бик югары дәрәҗәдә. Бу күрсәткеч буенча Татарстан Республикасы Россиядә алдынгы урында. Тиздән Юдинода спорт мәйданчыгы булачак. Юдино инде ул - тулы бер спорт комплексы. Киләсе елда, мөгаен, спорт мәйданчыгы Апаста да булыр”, - диде ул.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10