ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Мәдәният

Самара өлкәсенең IV авыл сабан туе Камышлыда уза

8 июль 2018, 17:14

Бәйрәм 14 июльдә сәгать 10да ат чабышлары белән башланып китә.

(Казан, 8 июль, “Татар-информ”). Самара өлкәсенең IV авыл сабан туе 14 июльдә Камышлы авылында була. Бу хакта Самара татарлары сайты хәбәр итә.

Бәйрәм сәгать 10да ат чабышлары белән башланып китә. Шул ук вакытта механизаторлар бәйгесе дә старт ала.

11 сәгать 30 минута бәйрәмнең рәсми ачылышы булачак. 12 сәгать 30 минутта Самара өлкәсе муниципаль районнарының үз мәйданнанрын тәкъдим итүе каралган.

13.00 сәгатьтә “Көрәш” милли бәйгесе башлана. Төбәк районнарының иҗади коллективлары чыгышы да шул вакытта башланып китә.

Бәйрәмдә автор-башкаручы Фирдүс Тямаев һәм Казаннан “Болгар кызлары” вокал триосы чыгышлары да көтелә.

Өлкә Сабан туе программасында шулай ук халык уеннары һәм спорт ярышлары да булачак. Теләге булган һәркем бәйрәмдә күңел ача алачак.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10