ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Татар дөньясы

Омск өлкәсенең "Заман" татар мәдәни үзәге рәсми теркәлү узган

8 июль 2018, 11:35 , Фото: соцсети

Омск өлкәсенең Юстиция Министрлыгында рәсми рәвештә теркәлү узып, таныклык алу өчен үзәк активистлары өч ел тырышкан.
(Казан, 8 июль, "Татар-информ"). Омск өлкәсенең "Заман" татар мәдәни үзәге Россия Федерациясе Юстиция Министрлыгында рәсми рәвештә теркәлү узып, таныклык алган. Бу хакта "Заман" җитәкчесе Чулпан Фәхретдинова хәбәр итә. 
 
"Без моңа өч ел дәвамында килдек. Өч ел дәвамында гамәлгә куючылар гел алмашынып торды. Бары "Заман"га ышанучылар һәм үз мәдәниятен сакларга һәм үстерергә теләүчеләр генә безнең белән калды", - диелә хәбәрдә. 
 
Чулпан Фәхретдинова сүзләренчә, теркәлү узу җиңел булмаган һәм оешма вәкилләре еш кына каршылыкларга очраган. 
 
"Документлар җыеп, аны имзалау бер нәрсә. Ә бит аннан соң йөкләнелгән җаваплылык бар. Әмма әзер документларны кулыма алгач минем сөенечемнең чиге юк иде. Ниһаять, "Заман" теркәлде", - дип шатлыклы хәбәре белән бүлеште Чулпан Фәхретдинова. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10