ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Фән һәм мәгариф

Кукмарада мәктәпне тәмамлаган 217 егет һәм кыз "Чыгарылыш кичәсе"нә җыйналды

4 июль 2018, 08:00 , Фото: kukmor-rt.ru/

Кукмарада мәктәпне тәмамлаган 217 егет һәм кыз 51 укучы Мактау грамоталары һәм медальләр белән бүләкләнде.

(Кукмара, 4 июль, "Татар-информ, "Хезмәт даны"). Кукмара районы мәктәпләрен быел 217 егет һәм кыз тәмамлады. Алар өчен бәйрәм чарасы Кукмараның Җиңү Паркы каршындагы мәйданда узды, дип яза kukmot-rt.ru сайты.

Чыгарылыш укучыларын, аларның әти-әниләре, укытучыларны, бәйрәмгә килүчеләрне район башлыгы урынбасары Равия Каримуллина, район мәгариф идарәсе җитәкчесе Роберт Мансуров котлады.

- Хөрмәтле укучылар, укытучылар, әти-әниләр һәм бәйрәмгә килгән кунаклар, бүген без сезнең белән тантаналы, дулкынландыргыч чарага җыйналдык. Укучыларның уңышларында укытучыларның һәм, әлбәттә, әти-әниләрнең дә өлеше зур, - диде үзенең чыгышында Равия Каримуллина. – Сезне мәктәпне уңышлы тәмамлавыгыз белән котлыйм, сезгә алдагы тормышыгызда сикәлтәсез юллар, хыялларыгызның тормышка ашуын телим.

Укуда аеруча зур уңышларга ирешкән 51 егет-кызга Мактау грамоталары һәм медальләр тапшырылды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10