ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Икътисад

Казан кунакханәләрендә броньланган номерлар саны арткан

3 июль 2018, 10:35

Бразилия һәм Бельгия җыелма командалары арасында чирек финал матчы 6 июльдә «Казан Арена» стадионында узачак.

(Казан, 3 июль, «Татар-информ»). Tvil.ru торак броньлау сервисы тикшеренү мәгълүматларыннан күренгәнчә, Бразилия җыелма командасының футбол буенча Дөнья чемпионаты чирек финалына чыгуына бәйле рәвештә, Казан кунакханәләрендә броньланган номерлар саны арткан.

6 июльгә Татарстан башкаласы кунакханәләрендә броньланган номерлар саны узган елның шул көне белән чагыштырганда 75 процентка арткан. Дөнья чемпионаты барган көннәрдә, 14 июньнән 15 июльгә кадәр, Казан кунаклары 2017 елның шул чоры белән чагыштырганда торакны 45 процентка ешрак броньлый.

Моннан тыш, 6-8 июль көннәрендә торакка бәяләр тәүлегенә 4,5 мең сумга кадәр арткан.

  • Бразилия һәм Бельгия җыелма командалары арасында чирек финал матчы 6 июльдә «Казан Арена» стадионында узачак. Уен 21.00 сәгатьтә башлана. 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10