ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Җәмгыять, Хәвеф-хәтәр

Гадәттән тыш хәлләр министрлыгы, яшенле яңгыр булганда, үзеңне тоту кагыйдәләрен искәртә

27 июнь 2018, 18:42

Россия Гадәттән тыш хәлләр министрлыгының Татарстан буенча Баш идарәсе, һава торышы бозылганда, гражданнарга үзеңне тоту кагыйдәләрен искәртә.

(Казан, 27 июнь, “Татар-информ”). Татарстанда яшенле яңгыр көтелә. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә республика Гидрометүзәккә сылтма белән хәбәр иттеләр.

Көндез 28 июньдә республиканың көнчыгыш районнарында яшенле яңгыр вакытында җилнең тизлеге 15-20 м/с булачак.

Һава торышы бозылганда урамда калсагыз, электр линияләреннән, агачлардан, реклама такталарыннан, витриналардан ераграк булырга тырышыгыз. Җил көчәйгәндә подъездга яки подвалга качып тору хәерле. Боз яуганда урамга чыгарга киңәш ителми. Урамда калсагыз, ышыкланыр җир табыгыз, һич югы башыгызны боздан кием йә сумкагыз белән булса да каплагыз, дип кисәтә коткаручылар.

Әгәр автомобильдә хәрәкәт итәсез икән, туктап бинага керү мөмкинлеген карарга кирәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10