ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Рәсми Татарстан

Казанга Герхард Шредер килде

27 июнь 2018, 15:27 , Фото: twitter.com/liliGalimova

Казанга Герхард Шредер килде Германиянең экс-канцлеры Татарстан Президенты Рөстәм Миңнеханов белән очрашачак.

(Казан, 27 июнь, “Татар-информ”). Бүген Татарстанга кыска вакытлы эшлекле сәфәр белән "Роснефть” директорлар советы рәисе, Германиянең элеккеге Федераль канцлеры Герхард Шредер килде. Бу хакта Татарстан Президентының матбугат хезмәте хәбәр итә.

Казан аэропортында Шредерны Татарстан Премьер-министры Алексей Песошин һәм башка рәсми затлар каршы алган. 

Мәртәбәле кунак аэропортка төшү белән Казан Кремленә барган. Анда тарихи һәм архитектура һәйкәлләрен карау буенча экскурсия оештырылган.

Хәзер ул Татарстан лидеры белән очрашуга бара. Бу хакта үз Twitter’енда Татарстан Президентының матбугат хезмәте җитәкчесе урынбасары Лилия Галимова хәбәр итә.

Герхард Шредер  “Казан Арена”да 17.00 сәгатьтә башланачак Футбол буенча дөнья чемпионатының Германия — Көньяк Корея матчында катнашу өчен килгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10