ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Җәмгыять

Әлмәттә табибларга язылу өчен бердәм номер эшли башлый

27 июнь 2018, 00:00

25 июньнән табибларга язылу өчен бердәм телефон номерына шалтырату мөмкинлеге булдырыла.
(Казан, 27 июнь, "Татар-информ", "Әлмәт таңнары"). Әлмәттә табибларга язылу өчен бердәм номер эшли башлый, дип хәбәр итә район газетасы. 
 
25 июньнән Әлмәттә медсанчастьтан кала башка медицина учреждениеләрендәге табибларга язылу өчен бердәм телефон номерына шалтырату мөмкинлеге булдырыла.
 
22-77-22 номеры эшне күпкә җиңеләйтә һәм вакытны да экономияли. Хәзер шифаханәләргә берничә тапкыр бару, дистәләгән телефон буенча шалтыратулар кирәк булмаячак.
 
Учреждениеләргә шалтыраткан очракта да, чыбыкның икенче очында автомат әлеге яңа номерны тәкъдим итәчәк. Сәламәтлек саклау идарәсе начальнигы Вера Головина белдергәнчә, дәүләт хезмәтләре аша һәм электрон язылулар гамәлдә кала, яңа схема өстәмә рәвештә эшли башлый. 
 
Табибларга язылудан тыш, әлеге номер буенча өйгә табиб та чакыртырга була, үзеңне кызыксындырган белешмә дә алу мөмкинлеге бар. 
 
Пациентларның бердәм маршрут үзәге Казанда, ДРКБ һәм РКБда эшли инде. Табиблар да, халык та аның уңайлы булуын күптән билгели. Хәзер аларга Әлмәт тә өстәлә. Бездәге тәҗрибәне соңрак башка районнарга да кертергә исәплиләр. 
 
22-77-22 номерына шалтырату бушлай. Контакт үзәге эш көннәрендә 7.30 дан алып 19.00 сәгатькә кадәр, шимбә 7.30-17.00 вакыт аралыгында эшли. Якшәмбе ял.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10