ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Синоптиклар Татарстанда җил көчәячәк дип кисәтә
Башкортстанның “Мирас” җыр һәм бию ансамбле Франциядән гастрольләрдән кайтты
Татарстанда юл һәлакәтендә җиңел машина йөртүчесе аягын сындырган
Тукай районында яшәүче кыз керәшен җырларын иң яхшы башкаручы булып танылды
Татарстаннан читтә белем алучы студентлар Казанга форумга җыела

Спорт

Чемпионатның кешеләргә мөһим карарлар кабул итүдә тәэсире булырга мөмкин - Л.Фазлыева

26 июнь 2018, 17:46 , Фото: Михаил Захаров

Чемпионатның кешеләргә мөһим карарлар кабул итүдә тәэсире булырга мөмкин - Л.Фазлыева Һәркайсыбызның дөнья чемпионаты белән бәйле үз хатирәсе булачак, ди Татарстан Премьер-министры урынбасары.

(Казан, 26 июнь, “Татар-информ”, Гөлнар Гарифуллина). Һәркайсыбызның дөнья чемпионаты белән бәйле үз истәлеге булачак. Ул ниндидер мөһим карарлар кабул итүгә этәргеч тә бирергә мөмкин. Татарстан Премьер-министры урынбасары Ләйлә Фазлыева шул фикердә. Бу хакта ул чемпионатның шәһәр матбугат үзәгендә – IT паркта матбугат конференциясендә әйтте.

Вице-премьер җанатарлар фестивале мәйданчыгында берләшү рухы хөкем сөргәнен билгеләп узды. “Спорт ул – бөек әйбер. Монда фестивальгә килгән һәркемнең берләшүен күрәм. Аларның һәркайсында монда килеп китүенең үз хатирәсе калачак. Кемдер аның баласы футболчы яки спорт менеджеры булырга тиеш, дип карар кылачак, кемдер - Инстаграмда, социаль челтәрдә үзе белән бәйле тарихны бик уңышлы яктырткан дип санап, блогер яки журналист булам дияргә мөмкин. Кемдер өйләнергә яки кияүгә чыгарга тиеш дигән фикергә килергә мөмкин. Бу моңа бер дә комачауламый. Киресенчә, мондый мәйданчык бик тәэсирле. Андагы кешеләрнең кәефе сиңа да йога. Кайчакта кем өчен җат атканыңны да аңламыйсың. Ике як команаданың да җанатарлары уңай тәэсир итә. Кемдәдер сәхнәдә башкаручы, алып баручы булу теләге туарга мөмкин. Ягъни, һәркайсыбызның дөнья чемпионаты белән бәйле үз истәлеге булачак”, - дип белдерде Ләйлә Фазлыева. Аның фикеренчә, дөнья чемпионатының үзебезгә тәэсире нинди булачагын әле ахыргача аңлап та бетермибез кебек.

Ләйлә Фазлыева чемпионатны оештыру безне мөмкин кадәр хатасыз тиз эшләргә өйрәтүен билгеләп үтте. “Чемпионатның эмоциональ тарихы һәркемдә булачак”, - диде ул.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10