ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Дин

Симферополь районының Софиевка авылы мәчетенә манара куйганнар

26 июнь 2018, 14:39

«Солтан-Сәрвәри» мәчетен төзү эшләре 2009 елда башлана, 2016 елда биредә тәүге намаз укыла.

(Казан, 26 июнь, «Татар-информ»). Симферополь районының Софиевка авылы мәчетенә 30 метр биеклектәге манара куйганнар, дип хәбәр итә Кырым мөселманнары Диния нәзарәте матбугат хезмәте.

Дини җәмгыять рәисе Сәрвәр Әсәнов сүзләренчә, манара 22 көн эчендә сафка баскан. Бу эшкә Төркиядән осталар чакырганнар.

«Шунысы кызганыч, Кырымда манара төзү осталары юк. Безнең ватандашлар арасында да шундый һөнәр ияләре булыр дип өметләнәбез», - диде Сәрвәр Әсәнов.

  • «Солтан-Сәрвәри» мәчетен төзү эшләре 2009 елда башлана, 2016 елда биредә тәүге намаз укыла. Мәчет ватандашлар акчасына сафка баскан. Иман йорты 1 гектар мәйданны били. Биредә имам бүлмәсе бар, тәһарәт алу өчен махсус урын булдырырга ниятлиләр. Бинага барлык коммуникацияләр дә (су, ут, җылылык белән тәэмин итү) тоташтырылган. 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10