ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Җәмгыять

Россия сыйфат системасы иң сыйфатлы ипи пешерелә торган төбәкләрне атады

26 июнь 2018, 11:13

Тикшерелгән товарларның 86 процентка якыны барлык таләпләргә туры килә.

(Казан, 26 июнь, «Татар-информ»). Россия сыйфат системасы Бөтенроссия ипи сыйфатын тикшерү нәтиҗәләренә йомгак ясаган. Аның нигезендә, тикшерелгән товарларның 86 процентка якыны барлык таләпләргә туры килә. 32 процентының сыйфаты исә гамәлдәге ГОСТ таләпләреннән дә югарырак, дип хәбәр итә ведомствоның матбугат хезмәте.

Иң сыйфатлы ипинең Ставрополь, Воронеж һәм Саратов өлкәләрендә пешерелүе ачыкланган. Моннан тыш, Тамбов, Ленинград, Чиләбе, Владимир өлкәләре, Краснодар краенда да көн саен кулланыла торган әлеге товарның сыйфаты югары.

Россия сыйфат системасы белгечләре узган елның июль аеннан алып Россиянең 62 төбәгендә 176 ипи брендын тикшергән. Продукцияне 50 сыйфат һәм куркынычсызлык күрсәткече буенча күз уңыннан үткәргәннәр.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10