ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Икътисад

Рөстәм Миңнеханов 2018 елга Татарстан бюджетын 15,7 млрд сумга арттыру проектын имзалады

25 июнь 2018, 20:34 , Фото: архив

Рөстәм Миңнеханов 2018 елга Татарстан бюджетын 15,7 млрд сумга арттыру проектын имзалады
2018 елга бюджет кереме - 225 млрд сум, чыгымнар — 243 млрд сумны тәшкил итәчәк, дефицит 18,7 млрд сум булачак.

(Казан, 25 июнь, “Татар-информ”). Татарстан Президенты Рөстәм Миңнеханов “Татарстан Республикасының 2018 елга һәм 2019 һәм 2020 еллар план чоры бюджеты турында”гы канунга үзгәрешләр кертү проектын имзалады. Документ республика башлыгы рәсми порталында басылып чыкты.

Шулай итеп, 2018 елга Татарстан Республикасы бюджеты 15,7 млрд сумга үсәчәк. Үзгәрешләрне исәпкә алып, быел бюджет кереме - 225 млрд, чыгымнар 243 млрд сумны тәшкил итәчәк, дефицит 18,7 млрд сум була. Татарстан Республикасы Дәүләт Советы депутатлары тиешле төзәтмәләрне 21 июньдә беренче һәм өченче укылышта кабул иттеләр.

Дәүләт Советы утырышында республика бюджетының чыгым өлешен 2018 елда социаль-мәдәни өлкә объектларына, юллар инженерлык структурасына, социаль әһәмияткә ия булган мәдәни һәм спорт чаралары уздыруга, ике айдан өч яшькә кадәрге булган балаларга мәгариф оешмаларында өстәмә урыннар булдыруга арттыру тәкъдим ителде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10