ҺАВА ТОРЫШЫ -15 oC

Яңалыклар

барлык хәбәрләр Татарстан Россия

Сәясәт

Төркиядә 24 июньдә узган сайлауда демократия җиңде - Рәҗәп Тайип Эрдоган

25 июнь 2018, 09:42

Төркия Президенты Анкарада сайлаучыларга мөрәҗәгать итте.

(Казан, 25 июнь, “Татар-информ”). Төркиядә 24 июньдә узган Президент һәм парламент сайлауларында демократия җиңде, дип белдерде Төркия Президенты Рәҗәп Тайип Эрдоган Анкарада сайлаучыларга мөрәҗәгать итеп.

Президент искәрткәнчә, сайлаучылар демократия, кеше иреге һәм хокукы, шулай ук реформаларны дәвам итүне яклап үз сүзен әйтте.

Төркия лидеры алдагы елларда Анкараның террорчылык оешмалары белән тагын да кыюрак көрәшәчәген, халыкара аренада Төркиянең абруе артачагын вәгъдә итте.

Дәүләт башлыгы Төркиянең 2023 елга кадәрге чорга куелган максатларына сайлаучыларның теләктәшлеге белән ирешәчәгенә ышаныч белдерде.

Моннан алдарак “Татар-информ” Президентлык өчен кандидатлар арасында хәзерге илбашы Рәҗәп Тайип Эрдоганның тавыш саны буенча беренче булып торуын хәбәр иткән иде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10