ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Мәдәният

"Каннга барып җиткән беренче татар" катнашында эшләнгән фильм Казан фестивалендә күрсәтелә

24 июнь 2018, 19:40 , Фото: Рамиль Гали/архив

Айдар Шәрипов катнашында төшерелгән «Ласковое безразличие мира» фильмы 71нче халыкара Канн фестиваленең «Особый взгляд» программасында катнашкан иде.

(Казан, 24 июнь, «Татар-информ», Рузилә Мөхәммәтова). Быел Казан халыкара мөселман киносы фестивалендә Казахстан режиссеры Адилхан Ержановның «Ласковое безразличие мира» фильмының премьерасы һәм фильмны куючы төркем белән очрашу булачак. Әлеге фильмның Казанда күрсәтелүе аның куючы операторы Казан егете Айдар Шәрипов булу белән бәйле. Канн кинофестивалендә катнашкан фильмны Казанда Айдар Шәрипов тәкъдим итәчәк. Фильмның Казанда күрсәтеләчәген Казан халыкара мөселман киносы фестиваленең башкарма директоры Миләүшә Айтуганова раслады.

«Ласковое безразличие мира» фильмы 71нче халыкара Канн фестиваленең «Особый взгляд» программасында катнашты. Айдар Шәрипов – дәрәҗәле Канн халыкара кинофестиваленә барып җитә алган беренче татар егете. Айдар Шәриповны Татарстан журналистлары арасыннан иң беренче булып «Татар-информ» мәгълүмат агентлыгы котлады һәм ул беренче интервьюсын да «Татар-информ»га бирде. «Ласковое безразличие мира» фильмының Казан кинофестивале кысаларында күрсәтелү идеясен дә «Татар-информ» мәгълүмат агентлыгы тәкъдим итте.

71нче Канн халыкара кинофестивале 2018 елның 8 – 19 маенда үтте. Казан халыкара мөселман кинофестивале традицион рәвештә 5 -11 сентябрьдә үтәчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10