ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Җәмгыять

Югары Осланда “Кәгазьнең икенче гомере” дигән экология акциясе оештырганнар

24 июнь 2018, 11:39

Хәйрия акциясе 1 июньнән 20 кадәр узган, анда катнашучылар тонна ярым макулатура җыйган.

(Казан, 24 июнь, “Татар-информ”). Югары Осланның бер мәчетенә йөрүчеләр “Кәгазьнең икенче гомере” дип аталган экология акциясе оештырганнар. Бу хакта “Волжская новь” газетасы хәбәр итә.

Хәйрия акциясе 1 июньнән 20 кадәр узган, анда катнашучылар тонна ярым макулатура җыйган. Оештыручылар тупланган акчага 100 кг шикәр комы алып, аны Югары Ослан картлар һәм инвалидлар интернат-йортына тапшырганнар.

Ел саен җәйге каникуллар вакытында Югары Осланда балалар өчен курслар ачыла. Быел да балалар Коръән сүрәләре өйрәнгән, гарәп язуы белән танышкан һәм хәйрия акциясендә катнашканнар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10