ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Мәдәният

Кукмаралылар Казан Сабан туенда катнашты

24 июнь 2018, 00:00

ФИФА вәкилләре кукмаралыларның ишегалдын да читләтеп узмадылар.

(Кукмара, 24 июнь, "Татар-информ, "Хезмәт даны"). Казан шәһәренең Мирный бистәсе янындагы Каенлыкта халкыбызның милли Сабантуй бәйрәме узды. Кукмаралылар да әлеге бәйрәмгә үз өлешләрен керттеләр – халкыбызның көнкүреше, гореф-гадәтләре, һөнәр-кәсепләре, мәдәниятләрен чагылдырган ишегалды тәкъдим иттеләр, дип яза kukmor-rt.ruсайты.

Футбол буенча Дөнья чемпионаты үтү уңаеннан быелгы Сабантуй бәйрәмендә чит ил кунаклары да күп иде. ФИФА вәкилләре безнең ишегалдын да читләтеп узмадылар. Алар күргәзмәләр белән таныштылар, итек киеп йөгерү, капчык сугышы, чүлмәк вату кебек милли уеннарда катнаштылар, район үзешчәннәренә кушылып рәхәтләнеп җырлап-биеп күңел ачтылар. Шулай ук металл савыт-сабалар, киез итек-киез, тегү фабрикасы җитештергән продукцияләр белән кызыксындылар. Ахырдан истәлеккә фотосурәткә төшеп, бик канәгать булуларын белдерделәр.

-Сабантуй бәйрәмендә икенче тапкыр катнашуым, - диде Англиядән килгән Джозф. – Беренче тапкыр Универсиада вакытында килгән идем. Сабантуй бик ошады, күңелле бәйрәм, халык та бик кунакчыл сездә. Уеннарда да катнаштым, бүләкләр дә оттым.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10