ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Җәмгыять

Әтнә авыл хуҗалыгы техникумы быел 47 механик әзерләп чыгара

22 июнь 2018, 20:46 , Фото: atnya-rt.ru/

Әтнә авыл хуҗалыгы техникумы быел 47 механик әзерләп чыгара Бу көннәрдә алар, ике төркемгә бүленеп, имтиханнарның “үрнәк версиясе"н тапшырдылар.

(Казан, 22 июнь, “Татар-информ, “Әтнә таңы”, Фәридә Филатова). Бу көннәрдә Әтнә авыл хуҗалыгы техникумында "механик" белгечлеген үзләштерүче 47 студент, ике төркемгә бүленеп, имтиханнарның “демонстрацион версиясе”н тапшырдылар, дип яза район газетасы.

"Егетләр, үзара җирәбә буенча бүленеп, модуль сорауларына җавап бирделәр. Моның өчен биредә махсус дүрт агрегат куелды. Аның берсе – культиватор, икенчесе – бөртеклелеләр чәчкеч, өченчесе – пресс-подборщик, дүртенчесе – сука", – дип таныштыра техникум директоры урынбасары Сәет Әхмәдуллин.

Иң беренче сорау агрегатның маркасы белән бәйле. Имтихан тапшыручы җавап бирүне шуннан башлый. Техник характеристика бирү, эшнең максаты нидә – барысын да әйтеп үтәргә кирәк. Җитмәсә, һәр агрегатның эшләү рәвеше белән таныштыру кирәк. Шуңа дүрт төрле агрегат куелган да инде. Эш башлар алдыннан агрегатның техник халәтен көндәлек тикшерү үткәрү, кабызып, агрегатлаштыру мәслихәт. Егетләр шулай ук тракторда да йөреп күрсәтәләр. Тиешле урынга дөрес итеп килә белү, туктау, агрегатны дөрес итеп тагу – болар барысы да исәпкә алына. Ул гына да түгел, трактор белән махсус тауга менү, “параллель парковка”, “тоннель”, арт белән кырыйга керә белү, фигуралы йөртүне дә күздә тота имтихан сораулары.

Техникумда чыгарылыш курсларында диплом яклый башладылар. Ветеринария белгечлеге буенча укучы дүрт студент моңа охшаш демоэкзаменга Буа шәһәренә барачак. Анда имтиханнарны WorldSkills стандартларына туры китереп тапшырачаклар. Ә бу инде имтихан нәтиҗәләре республика буенча исәпкә алыначак дигән сүз, диелгән район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10