ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда М7 юлында авариядә өч ир-ат имгәнгән

22 июнь 2018, 15:54 , Фото: соцсети

Татарстанда М7 юлында авариядә өч ир-ат имгәнгән Бүген Питрәч районында берничә машина катнашында юл-транспорт һәлакәте булган.

(Казан, 22 июнь, “Татар-информ”). Татарстанда М7 юлында авариядә өч ир-ат зыян күргән. Бу хакта “Татар-информ” агентлыгына һәлакәт шаһитлары хәбәр итте.

Бүген Питрәч районында М7 трассасының 871 чакрымында кабель төялгән фура, “Тойота Ленд Крузер”, “Рено Дастер” һәм “КИА” җиңел машинасы катнашында юл-транспорт һәлакәте булган.

Бәрелешкәннән соң, япон машинасының алгы тәгәрмәче өзелгән, алгы бамперы, капоты яньчелгән. “Рено” белән “Киа” да металл өеменә әверелгән.

Корея автомобилендәге өч кеше Минзәлә районында яшәүчеләр булган. 20 яшьлек йөртүче, шулай ук ике пассажир җитди җәрәхәтләр алган. Гадәттән тыш хәл урынында янгын сүндерүчеләр зыян күрүчеләрне машинадан алып, "ашыгыч ярдәм" табибларына тапшырган. Аларны хастаханәгә озатканнар. 

Һәлакәт урынында ЮХИДИ инспекторлары эшли. Алар юл-транспорт һәлакәте сәбәпләрен ачыклый.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10