ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Милли киемнәр дизайнеры Флера Калмурзина вафат
15 июльнең төп вакыйгалары - фото һәм сылтамалар
Мөселман балалар Сабан туе батыры билгеле булды
Васил Шәйхразиев татарча сөйләшүче балаларны милләтнең иң зур горурлыгы дип саный
Мәскәү Сабан туен оештыруда Яр Чаллы шәһәре ярдәм итә

Рәсми Татарстан

ТР Президенты Испания илчесе белән очрашуда: Бүген уңай мөнәсәбәтләрне саклау мөһим

21 июнь 2018, 13:29 , Фото: tatarstan.ru

ТР Президенты Испания илчесе белән очрашуда: Бүген уңай мөнәсәбәтләрне саклау мөһим ТР Президенты Испаниянең Россиядәге Гадәттән тыш һәм Тулы вәкаләтле илчесе Игнасио Ибаньес белән очрашты.

(Казан, 21 июнь, «Татар-информ»). Татарстан Президенты Рөстәм Миңнеханов ТР Хөкүмәте йортында Испания Корольлегенең Россиядәге Гадәттән тыш һәм Тулы вәкаләтле илчесе Игнасио Ибаньес белән очрашты, дип хәбәр итә республика лидерының матбугат хезмәте.

Рөстәм Миңнеханов илчене Испания җыелма командасының Футбол буенча дөнья чемпионаты матчында җиңүе белән котлады. Испания – Иран матчы кичә «Казан Арена» стадионында узды.

Встреча Президента Республики Татарстан Р.Н. Минниханова с Чрезвычайным и Полномочным Послом Королевства Испания в России господином Игнасио Ибаньесом

Очрашу барышында яклар Испания һәм, Россиянең бер төбәге буларак, Татарстан арасында кайбер юнәлешләр буенча хезмәттәшлек итү мәсьәләләре хакында фикер алышты. Аерым алганда, туризм тармагы, мәдәният, мәгариф һәм фән өлкәләрендәге хезмәттәшлекне үстерүнең әһәмияте билгеләп үтелде.

Рөстәм Миңнеханов автокомпонентлар җитештерү, машина төзелеше, мәгълүмати технологияләр, шулай ук авыл хуҗалыгы һәм сәламәтлек саклау өлкәләрен Испания компанияләре тәҗрибәсе зур әһәмияткә ия булган тармаклар, дип атады. Бездә мондый юнәлешләр күп, диде ул.

Встреча Президента Республики Татарстан Р.Н. Минниханова с Чрезвычайным и Полномочным Послом Королевства Испания в России господином Игнасио Ибаньесом

«Бүген уңай мөнәсәбәтләрне саклау мөһим», - диде Рөстәм Миңнеханов.

Игнасио Ибаньес илче вазифасында әле бер ел гына эшләве хакында хәбәр итте. Аның сүзләренчә, бүген Испания илчелегендә Россия төбәкләрен өйрәнү, төбәкләргә сәфәр кылуның мөһимлеген аңлыйлар. «Россия төбәкләре белән танышу – безнең өчен әһәмиятле мәсьәлә», - диде илче әфәнде.

Встреча Президента Республики Татарстан Р.Н. Минниханова с Чрезвычайным и Полномочным Послом Королевства Испания в России господином Игнасио Ибаньесом

«Бүген без көн дәвамында очрашулар үткәрәчәкбез, бу да безнең өчен яхшы мөмкинлек», - дип искәртте Игнасио Ибаньес. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10