ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Хәвеф-хәтәр

Саратов өлкәсендә Татарстан кешеләре утырган автомобиль һәлакәткә юлыккан

21 июнь 2018, 12:53 , Фото: wolsk.ru, pro-volsk.ru

Саратов өлкәсендә Татарстан кешеләре утырган автомобиль һәлакәткә юлыккан Кичә Вольский районында берничә машина катнашында авария булган.

(Казан, 21 июнь, «Татар-информ»). Саратов өлкәсендә Татарстан кешеләре утырган автомобиль һәлакәткә юлыккан, дип хәбәр итә Вольск.ру сайты.

20 июньдә Сызрань - Волгоград федераль трассасында - Вольский районында берничә машина катнашында авария булган. Башлангыч мәгълүматларга караганда, Дагыстан номерлары куелган «Вольво» йөк машинасы 61 яшьлек ир-ат идарә иткән «ГАЗель» автомобиле белән «маңгайга-маңгай» килгән. Шуннан соң «ГАЗель» каршы як полосага чыгып, Татарстаннан килгән «Рено» автомобиле белән бәрелешкән.

Нәтиҗәдә, "Рено"ның 38 яшьлек шоферы шунда ук һәлак булган. Аның төрле тән җәрәхәтләре алган хатынын һәм алты яшьлек кызны хастаханәгә озатканнар. Кыз авыр хәлдә реанимациядә ята.

Юл һәлакәтендә шулай ук «ГАЗель» шоферы да зыян күргән.

Авариянең сәбәпләре һәм кемнәрнең гаепле икәнлеге ачыклана. 

Авария в Вольском районе

Авария в Вольском районе


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10