ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
21 июльнең төп вакыйгалары - фото һәм сылтамалар
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар

Җәмгыять

Россиядә Чемпионат вакытында 4 млн кеше һава юлы транспортын сайлаган

21 июнь 2018, 12:11 , Фото: архив/Рамиль Гали

Россиядә Чемпионат вакытында 4 млн кеше һава юлы транспортын сайлаган 14-21 июнь арасында һава транспортында 1,5 млн кеше килгән.

(Казан, 21 июнь, “Татар-информ”, Чулпан Шакирова). Футбол буенча дөнья чемпионаты вакытында җанатарлар күбрәк һава юлы транспортын сайлый. РФ транспорт министры фаразларынча, Чемпионат вакытында 4 млн кеше әлеге төр транспорттан файдаланган. Бу хакта Казан IT паркында – Футбол буенча дөнья чемпионатының шәһәр матбугат үзәгендә узган видеоконференция форматындагы брифингта билгеле булды.

“Бүген Чемпионатның – сигезенче, пассажирлар йөртүнең унынчы көне. Чемпионат кунаклары күпчелек очракта һава юлы транспортын сайлый. Чемпионат вакытында 4 млн кеше әлеге төр транспорттан файдаланган. 14-21 июнь арасында һава транспортында 1,5 млн кеше килгән. 13 аэропорт хезмәт күрсәткән. Барлыгы 12 515 рейс ясалган”, - диде РФ транспорт министры Евгений Дитрих.

Аның сүзләренчә, Транспорт министрлыгы, Росавиация белән берлектә, һава юлы аша пассажирлар ташу белән шөгыльләнүчеләр арасында сөйләшүләр алып барылган, рейслар арттырылган.

“Компанияләр мундиаль үткәрү һәм отпуск вакытындагы нык йөкләмәләргә әзер иде. 100 меңнән артык урынлы 606 өстәмә рейс булдырылды”, - диде министр.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10