ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Чаллыда 9нчы сыйныф укучыларының Төп дәүләт имтиханы нәтиҗәләре республиканыкыннан югары
Сергей Шойгу Мәхмүт Гәрәевкә Александр Невский орденын тапшырды
Серпуховта биш яшьлек кызны үтерүдә шикләнелүчене тоткарлаганнар
“Таврида” форумында Башкортстанның ике вәкиле 100 һәм 200 меңлек грант алды
Россиянең IV җәйге яшьләр Спартакиадасында Казан каратистлары көмеш һәм бронза алды

Сәясәт

Татарстан депутатлары Яшьләр эшләре һәм спорт министрлыгын үзгәртү тәкъдимен хуплады

21 июнь 2018, 10:47 , Фото: tatarstan.ru

Татарстан депутатлары Яшьләр эшләре һәм спорт министрлыгын үзгәртү тәкъдимен хуплады Министрлыкны Татарстан Республикасы Яшьләр эшләре министрлыгы һәм Татарстан Республикасы Спорт министрлыгы итеп икегә аеру күздә тотыла.

(Казан, 21 июнь, «Татар-информ», Гөлнар Гарифуллина). Татарстан депутатлары республиканың Яшьләр эшләре һәм спорт министрлыгын икегә аеру мәсьәләсен карады. Бишенче чакырылыш ТР Дәүләт Советының утыз тугызынчы утырышында министрлыкны Татарстан Республикасы Яшьләр эшләре министрлыгы һәм Татарстан Республикасы Спорт министрлыгы итеп үзгәртү турында Татарстан Республикасы Президенты тәкъдимен килештерделәр.

ТР Премьер-министры урынбасары - Министрлар Кабинеты Аппараты җитәкчесе Шамил Гафаров бу мәсьәләне карау ихтыяҗы күптән туганын билгеләп узды. Аның әйтүенчә, дәүләт яшьләр сәясәтен гамәлгә ашыру, ныгыту буенча күптөрле мәсьәләләр күтәрелгән, моңа бәйле рәвештә, башкарма хакимият органнарында яшьләр дәүләт сәясәте белән шөгыльләнүче аерым структура булдыру карар ителгән.

«Бу тәкъдимнәрне исәпкә алып, Яшьләр эшләре һәм спорт министрлыгын Яшьләр эшләре министрлыгы һәм Спорт министрлыгы итеп үзгәртүне тәкъдим итәбез», - диде Шамил Гафаров.

Ул, Яшьләр эшләре министрлыгына дәүләт яшьләр сәясәте өлкәсендә функцияләр белән дәүләт идарәсен һәм Спорт министрлыгына физик тәрбия һәм спорт үсеше функцияләрен йөкләү күздә тотылганын әйтте.

Социаль сәясәт комитет рәисе Светлана Захарова комитета депутатлар тарафыннан тәкъдимнең хупланганын белдерде.

Депутатларның күпчелегенең тавышы белән, тәкъдим хупланды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10