ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Хәвеф-хәтәр

Чаллыда ике яшьлек кызын ачлыктан интектергән анага штраф салганнар

21 июнь 2018, 11:04

Полицейскийлар ишекне ватып кергәч, коточкыч хәлдәге ике яшьлек баланы күргәннәр.

(Казан, 21 июнь, «Татар-информ»). Чаллыда ике яшьлек кызын ашатмыйча интектергән анага штраф салганнар, дип хәбәр итә «Челнинские известия» газетасы.

Бу хакта полициягә күп балалы хатынның күршеләре мөрәҗәгать иткән. Урынга килгән тәртип сакчыларына беркем дә ишек ачмаган. Фатирда бер баланың елаган тавышы гына ишетелгән.

Полицейскийлар ишекне ватып кергәч, коточкыч хәлдәге ике яшьлек баланы күреп алганнар. Кыз ач ятып шулкадәр хәлсезләнгән ки, хәтта сөйләшә һәм йөри дә алмаган. Сабыйга табиблар тиешле медицина ярдәме күрсәткән.

Үз баласына ваемсыз мөнәсәбәт күрсәткән ананы хөкем иткәннәр. Суд залында ул елаган һәм тәүбә иткән, балаларын алып китмәүләрен сорап ялварган.

Судья күп балалы анага 5 мең сум күләмендә штраф салган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10