ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Җәмгыять

Казанда җәмәгать транспортында банк картасы белән түләп була

21 июнь 2018, 09:41

Шулай ук транспорт карталары, юл йөрү билетлары, PayPass системалы банк карталары, NFC системалы телефон файдаланырга да мөмкин.

(Казан, 21 июнь, "Татар-информ"). Казанда җәмәгать электр транспортының барлык төрләрендә, аерым алганда трамвай, троллейбус һәм метрополитенда банк картасы белән түләү мөмкинлеге булдырылды. Бу турыда Казан шәһәре мэриясе матбугат хезмәте хәбәр итте.

Махсус валидаторлар онлайн-касса принципы белән эшли һәм пассажирларга чек бирелә. Казанлылар һәм туристлар йөрү өчен гадәти транспорт карталары, юл йөрү билетлары, шулай ук PayPass системалы банк карталары, NFC системалы телефон файдаланырга да мөмкин. Пассажирларга билет урынына чек бирелә, диелгән әлеге хәбәрдә.

Шундый ук “билет” акча түләүчеләргә дә бирелә.

Метрода жетоннар сату терминаллары янына килергә кирәкми. Кайбер турникетларга банк картасын якын китереп кенә түләп була торган җайланмалар урнаштырылган, диелгән әлеге хәбәрдә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10