ҺАВА ТОРЫШЫ 0 oC

Яңалыклар

барлык хәбәрләр Татарстан Россия
×

Җәмгыять

Депутатлар һәм табиблар укучыларны комплекслы медицина тикшерүе уздырырга тәкъдим итте

20 июнь 2018, 19:19

Табиблар даими тикшерүләр буенча Россия укучылары сәламәтлеген контрольдә тота ала.

(Казан, 20 июнь, “Татар-информ”, Валерия Белова). Бүген Татарстан депутатлары һәм табиблары КДМУда утырышта Россия укучыларын махсус медицина тикшеренүе уздырырга тәкъдим иттеләр.

Россия һәм Татарстан сәясәтчеләре, табиблары һәм галимнәре, шулай ук башкарма хакимиятнең федераль һәм төбәк органнары вәкилләре Министрлар Кабинетына шундый тәкъдим юлладылар.

Бүген университетта пленар утырышта белгечләр балалар сәламәтлеген саклау өлкәсендә проблемалы мәсьәләләр, шул исәптәy мәктәптә кукучыларда төрле авыруларның артуы турында фикер алыштылар.

“Хәзер РФ Дәүләт Думасында мәктәптә сәламәтлек саклау эшенә кагылышлы аерым документларга үзгәрешләр кертү турындагы закон проекты карала. Бүген без һәр мәктәптә дә медицина кабинеты, бигрәк тә лицензияле медкабинет булмавын беләбез. Моның өчен шартлар юк. Бу мәсьәләне хәл итү юлларын уйларга кирәк”, - дип аңлатма бирде Татарстан Дәүләт Советы Рәисе урынбасары, “Мәрхәмәт – Милосердие” хатын-кыз депутатлар берләшмәсе җитәкчесе Татьяна Ларионова.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10