ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Мәдәният

14 июльдә "Керәшен чибәре-2018" билгеле булачак

20 июнь 2018, 08:44 , Фото: mamadysh-rt.ru

14 июльдә Конкурс Мамадыш районы Җөри авылында - Питрау бәйрәме кысаларында үткәреләчәк.
(Казан, 20 июнь, "Татар-информ"). "Керәшен чибәре-2018" бәйгесендә катнашучылардан заявкалар кабул итү тәмамлынды. Конкурс 14 июль көнне Мамадыш районы Җөри авылында - Питрау бәйрәме кысаларында үткәреләчәк. Бу хакта "Нократ" газетасы хәбәр итә. 
 
Бәйгедә 15-25 яшьлек керәшен кызлары катнашырга хокуклы. Гаилә хәле бу очракта роль уйнамый, диелә хәбәрдә. 
 
Сайлап алу турын узган катнашучылар әзерлек туры үтәчәк. Анда алар хореография, вокал һәм актерлык осталыгы буенча дәресләр алачак. Шулай ук фотосессия үткәрү күздә тотыла. 
 
"Керәшен чибәре-2018" бәйгесендә беренче урын яулаучы күчмә таҗ, диплом һәм акчалата бүләккә ия булачак. Икенче һәм өченче урыннарга да дипломнар һәм акчалата бүләкләр каралган. Номинацияләрдә җиңүчеләргә дипломнар, махсус бүләкләр тапшырылачак. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10