ҺАВА ТОРЫШЫ 0 oC

Яңалыклар

барлык хәбәрләр Татарстан Россия
×

Фән һәм мәгариф

Чирмешән районында ял лагерьлары эшли башлады

20 июнь 2018, 08:00 , Фото: Фәүзия Шарапова

Чирмешән районында ял лагерьлары эшли башлады Кармыш мәктәп яны лагерында быел 25 бала 21 көн ял итәчәк.

(Чирмешән, 20 июнь, “Татар-информ“, “Безнең Чирмешән“, Гөлсирә Шәрифуллина). 8 июньнән Чирмешән районында мәктәп балалары өчен җәйге лагерьлар эшли башлады, дип яза җирле басма.

Кармыш мәктәп яны лагерында быел 25 бала 21 көн ял итәчәк.

-Лагерьга 2-7нче класс укучылары йөри, - ди мәктәп директоры Гөлнур Якупова. -Алар өчен көн саен кызыклы чаралар оештырабыз. Төрле спорт уеннары, бәйгеләрдән тыш, экскурсияләр дә планлаштырылган. Чирмешәнгә музейга, бассейнга бару да күздә тотыла. Баларны өч тапкыр ашатабыз. Ата-аналардан җыелган акчаны балалар ихтыяҗына тотабыз: көнкүреш әйберләре, канцеляр товарлар, бүләкләр алабыз.

Районда “Кояшлы” ял лагеры да үз ишекләрен ачты, беренче сменага 45 бала килде. Җәйге каникуллар чорында биредә дүрт сменада 170 бала вакытын кызыклы итеп үткәрә алачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10