ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Дин

Төрекмәнстанда күпхатынлылыкны тыялар

19 июнь 2018, 21:53

Бу илнең Җинаять кодексында күпхатынлылыкка карата җәза каралган.

(Казан, 19 июнь, "Татар-информ"). Төрекмәнстанда быел 1 сентябрьдән күпхатынлылыкны тыялар. Бу турыда "Интерфакс" хәбәр итте.

Гаилә кодексына үзгәрешләр һәм өстәмәләр кертү турындагы законны Төркмәнстан президенты Гурбангулы Бердымухамедов имзалаган.

Кабул ителгән закон Гаилә кодексын "Төрекмәнстанда күпхатынлылык рөхсәт ителми" дигән положение белән тулыландыра.

Төзәтмәдә әйтелгәнчә, күпхатынлылык дигәндә берьюлы ике яки берничә хатын белән яшәү һәм гомуми хуҗалык тоту күз алдында тотыла.

Төрекмәнстанда ир-атларның күпчелеге ислам динен тота һәм аларга дүрт хатын белән яшәү рөхсәт ителә. Шул ук вакытта илнең Җинаять кодексында күпхатынлылыкка карата җәза каралган. Аерым алганда, Җинаять кодексы буенча, күп хатын тотучы ирне ике елга кадәр төзәтү эшләре йә зур акчалата штраф рәвешендә җәзага тарту мөмкин, диелгән әлеге хәбәрдә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10