ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Дин

«Рамазан – изге гамәлләр ае» акциясе ярдәмендә 400 мең сумга якын акча җыелган

19 июнь 2018, 11:59 , Фото: dumrt.ru

«Рамазан – изге гамәлләр ае» акциясе ярдәмендә 400 мең сумга якын акча җыелган Әлеге акчалар алты авыру балага дәвалану өчен бүлеп бирелгән.

(Казан, 19 июнь, «Татар-информ»). Татарстан мөселманнары Диния нәзарәте тарафыннан игълан ителгән «Рамазан – изге гамәлләр ае» хәйрия акциясенең нәтиҗәләре билгеле булды, дип хәбәр итә нәзарәтнең матбугат хезмәте.

Диния нәзарәтенең «Зәкят» хәйрия фондына ел саен уза торган традицион айлык кысаларында 380 мең сум күләмендә акча җыелган һәм ул алты авыру балага дәвалану өчен бүлеп бирелгән.

Битараф булмаган һәм актив кешеләрнең ярдәме белән «Зәкят» фонды тарафыннан ярдәм алучы, төрле формадагы ДЦП белән интегүче балалар сәламәтләнүгә таба тагын бер адым ясады. Аларга тернәкләндерү курслары элегрәк алган күнекмәләрне ныгытырга һәм яңаларын үзләштерергә (басарга һәм утырырга, йөрергә, мөстәкыйль ашарга һәм сөйләшергә өйрәнү) ярдәм итәчәк.

Әлфия Борһанова, Морат Нәгыймов, Фәридә Шәйдуллина, Әминә Дәүләтшина, Эльза Емекова һәм Аделина Хәсәнова һәм аларның әти-әниләре балаларның язмышына битараф булмаганнарга олы рәхмәтен җиткерә.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10