ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Чаллыда 9нчы сыйныф укучыларының Төп дәүләт имтиханы нәтиҗәләре республиканыкыннан югары
Сергей Шойгу Мәхмүт Гәрәевкә Александр Невский орденын тапшырды
Серпуховта биш яшьлек кызны үтерүдә шикләнелүчене тоткарлаганнар
“Таврида” форумында Башкортстанның ике вәкиле 100 һәм 200 меңлек грант алды
Россиянең IV җәйге яшьләр Спартакиадасында Казан каратистлары көмеш һәм бронза алды

Мәдәният

Милли музейда чираттагы Әдәби салон утырышы Йолдыз Шәрәпова иҗатына багышлана

19 июнь 2018, 10:41 , Фото: Михаил Захаров/архив

Милли музейда чираттагы Әдәби салон утырышы Йолдыз Шәрәпова иҗатына багышлана Әдәби салонда шагыйрәнең хезмәттәшләре, дуслары һәм аның иҗатын яратучылар катнашачак.

(Казан, 19 июнь, «Татар-информ»). 21 июньдә 16.00 сәгатьтә ТР Милли музеенда шагыйрә, А.Алиш исемендәге әдәби премия һәм «Бәллүр каләм» иясе, Татарстан Язучылар берлеге әгъзасы Йолдыз Шәрәпова иҗатына багышланган Әдәби салон утырышы узачак, дип хәбәр итә ТР Мәдәният министрлыгы матбугат хезмәте.

Йолдыз Шәрәпованың иҗаты тулысынча балаларга багышланган. 1994 елда аның балалар өчен «Антенналы бәрәңге» дигән тәүге шигырьләр җыентыгы дөнья күрә, ул «Ел китабы-94» бәйгесендә икенче урынга лаек була.

Бүгенге көндә йолдыз – 5 китап авторы. Аның күп кенә шигырьләре дәреслекләргә, хрестоматияләргә, төрле җыентыкларга кертелгән, шагыйрә сүзләренә язылган җырлар телевидение һәм радиода яңгырый.

Журналист буларак Йолдыз Шәрәпова ТР Милли музее чараларында актив катнаша һәм аларны «Шәһри Казан» газетасында яктыртып бара. Йолдыз яшьләр фестивальләрендә, телевизион әдәби программаларда да актив катнаша.

Әдәби салонда Йолдыз Шәрәпованың хезмәттәшләре, дуслары һәм аның иҗатын яратучылар катнашачак. Кунаклар арасында Нью-Йорк кунагы - аның шигырьләрен рус теленә тәрҗемә иткән Сүрәйя Гайнуллина да булачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10