ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Хәвеф-хәтәр

Пассажирның хәле начарлану сәбәпле, Новосибирск – Мәскәү рейсы Казанга төшеп утырган

18 июнь 2018, 19:22

43 яшьлек хатын-кызны Республика клиник хастаханәсенә салганнар.

(Казан, 18 июнь, “Татар-информ”). Новосибирск – Мәскәү рейсы, пассажирның хәле начарлану сәбәпле, ашыгыч рәвештә Казанга төшеп утырган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

“S7” авиакомпаниясе Боинг-737 самолетының Казан аэропортына ашыгыч рәвештә төшеп утыруы турындагы хәбәр бердәм 112 ашыгыч хезмәте номерына бүген, 18 июньдә, алынган. Новосибирскидан Мәскәүгә очучы 43 яшьлек хатын-кызның хәле кинәт начарланып киткән. Һава судносы капитаны Казанга төшеп утыру карарын кабул иткән.

Урынга килгән Гадәттән тыш хәлләр министрлыгы, медицина хезмәткәрләре хатын-кызны карап, Республика клиник хастаханәсенә озатканнар.

Новосибирск – Мәскәү рейсы очышын дәвам иткән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10