ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять

Татарстан мәктәпләренең 6 меңләп укучысы җәйге ялны Кара диңгез буенда үткәрә

18 июнь 2018, 19:41 , Фото: Султан Исхаков

Татарстан мәктәпләренең 6 меңләп укучысы җәйге ялны Кара диңгез буенда үткәрә   Татарстан балалары Краснодар крае һәм Кырым Республикасындагы сәламәтләндерү лагерьларына юл алачак.

(Казан, 18 июнь, “Татар-информ”). Быел Кара диңгез буендагы дүрт сәламәтләндерү лагерында 5,8 мең яшь татарстанлы ял итәчәк. Бу хакта “Татар-информ” мәгълүмат агентлыгында матбугат конференциясендә “Җәй” Республика үзәге дәүләт бюджет учреждениесе директоры Раил Моратшин сөйләде.

Балалар сәламәтләндерү лагерьларының өчесе Краснодар краенда урнашкан. Икесе Анапа шәһәрендә – “Приазовец” һәм “Юбилейный”лагерьлары. Тагын берсе Туапсе шәһәрендә. Казакевич исемендәге лагерь Кырымда Бахчасарай районында урнашкан.

Краснодар крае лагерьларына балалар тимер юл транспортында бара. Раил Моратшин сүзләренчә, поездларда шартлар уңайлы — аларда кондиционерлар куелган һәм ике ресторан-вагон бар. Моннан тыш, аларны полиция һәм медицина хезмәткәрләре озата бара. Кырымга балалар самолетта оча.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10